Lasarte-Oriako Txitxardin Beltxa jatetxean banatu genituen ostiralean 2009ko ARGIA Sariak. Hauexek izan dira saridunak:
Interneteko Argia Saria: Librezale.
Prentsa idatzia: Patxi Huarte "Zaldi Eroa".
Publizitatea: Margotu Egunak, atez-ateko zabor bilketa sustatzeko Usurbilgo Udalak egin duen kanpaina.
Telebista: Erlo Telebistako Gure saltsan saioa.
Irratia: Joseba Barandiaran.
Merezimenduzkoa: Mikel Atxaga.
Aurtengo sari banaketarekin, ARGIAren 90.urteurrena dela-eta urtean zehar egingo ditugun ekitaldiei hasiera eman diegu. Urteurrenaren jarraipen zehatza egiteko webgune berezia prestatu dugu eta gaurtik aurrera ikusgai duzue. Pixkanaka-pixkanaka atal berriak gehitzen joango gara. Gainera, 90. urteurrena dela-eta ARGIA Sarien ekitaldian proiektatu genuen dokumentala ere ikusgai duzue.
Azkenik, urtero egin ohi dugun bezala, ARGIA Sariekin bat eginez, Urtekaria kaleratu dugu. Paperezko edizioa salgai dago jada (ARGIAren dendan eska dezakezue).
Negozioak eta interesak zapaltzaileen buruetan. Izan herri bat zapaltzeko, hizkuntza bat, kultura bat, memoria edo ingurumena. Dirua, sosa. Egoerarik makurrenetan ere, ordea, usu pizten da erresistentziaren su txikia, interesen gainetik duin bizi nahi duen jendearen mugimendua... [+]