Baionako suprefeta: "Frantziako Gobernuak ez du uste bake prozesuan engaiatu behar denik"

  • Patrick Dannelles Baionako suprefeta elkarrizketatu dute Ahoan Bilorik Gabe emankizunean. Kanaldude telebistak, Euskal Irratiek, Kazeta.info Interneteko atariak, "Herria" astekariak eta Ipar Euskal Herriko Hitzak elkarlanean sortutako ekimena da. Azken boladan pil-pilean dauden gaien inguruko galderak erantzun ditu Frantziako Estatuaren ordezkariak. Ekainean Hendaiako ikastolaren eraikuntza oztopatu zuen Dallenesek, Falloux Legea oinarri hartuta.


2013ko uztailaren 05an - 00:00
Azken eguneraketa: 2015-02-26 13:37:33
Patrick Dallennes, Baionako suprefeta, Ahoan Bilorik Gabe ekimenean. (Argazkia: kazeta.info)

Kanaldudek bideoan bildu ditu adierazpenak eta Kazeta.info-k euskarara itzuli du elkarrizketa; hona hemen suprefetak esandako batzuk, gaika sailkatuta:

Lurralde antolaketa

  • "Gobernuak hainbat alditan jakinarazi du Lurralde Elkargoaren aldarriak ez duela segidarik ukanen. Alegia, ez duela sortuko Baionako eskualdeko hautetsien parte handi batek aldarrikatzen duen erakunde hori".

  • "Manifestazioa egitea eskubidea da baina ez du horrek aldatuko gobernuaren erabakia".

Bake prozesua Euskal Herrian

  • "Frantziako Gobernuak ez du uste bake prozesu batean engaiatu behar denik, pentsatzen duelako Frantzia ez dela sekulan gerran izan".

  • "Lotura egitea iheslarien atxiloketen eta Miarritzeko ekitaldiaren artean, sobera arin joatea litzateke".

Euskara

  • "Frantziako Gobernuak ez du iritsi nahi euskararen koofizialtasuna aitortzeraino".

  • "Gaia aztertu zelarik, ebatzi zuten ez zegoela biderik [Hizkuntza gutxituen Europako Karta] berresteko Frantziako konstituzioa aldatu gabe. Beraz, gobernuak deliberatu du aldaketa hori ez egitea, eta haren eskubidea da".

  • [Ikastolen aferari dagokionez] ez dago konponbiderik. Bederen ez dago biderik erakunde publikoek eraikin publiko bat ordaintzea aipatzen bada. Ez Hendaian ez bertze ikastolen kasuan (...)  Legea alda daiteke baina hori ez dago gure eskutan. Hori parlamentarien lana da".

Abiadura Handiko Trena

  • "Ezin dut baieztatu [AHTa 2030era atzeratuko denik], Gobernuak adierazi behar du era argi eta zehatzean egitasmoa atzeratua izan dela eta beharbada egutegi bat aurkeztu".

Sexu berekoen arteko ezkontza

  • "[Bi gizon ezkonduko ez zituela adierazi zuen Arrangoitzeko] auzapezarekin hizketaldi fasea izan genuen konponbide baten bila, horrek ez zuen emaitzik eman eta disziplina prozedura bat abiatzeko puntuan ginen joan den ostegunean auzapezak eta bere kontseilariek deliberatu ez balute haietakoren batek ezkontza ospatuko zuela".
  • "Hurbiletik segitzen dut Arrangoitzeko herriko etxearen jarrera eta espero dut ez dela horrelakorik berriro gertatuko".


Kanal honetatik interesatuko zaizu: Falloux Legea
Beste urrats bat emateko zapatak lotzeko unea

Pandemiak eragindako bi urteko hutsune behartuaren ostean, Senpereko lakuak Euskal Herriko txoko guztietako pertsonak jasoko ditu igande honetan, 2022ko Herri Urratsen. Itzulera honetan zapatilak lotu eta hainbat ikuskizun eta kontzertuz gozatzeaz gain, Seaskak bosgarren... [+]


Urratsek egiten gaituzte

Manifestazio guziek ez dute zapore berdina. Maiatzaren 4an ikastolen kexua ozen adierazteko antolatutakoak sentsazio goxo batekin utzi gaitu. 7.000 haur, guraso, irakasle, langile eta euskaltzale bildu ginen, danborrada alai eta koloretsu baten bidez, Paristik datorren... [+]


Eneko Gorri
Urratsek egiten gaituzte

7.000 lagun bildu ginen Baionan, iragan maiatzaren 4an, Ikastolen kexua ozen adierazteko. Lapurdi, Baxenabarre eta Zuberoko 36 ikastolak alerta gorrian dira. Zenbait egunez mobilizazio jendetsu eta koloretsuarekin erantzun diete haur, guraso, irakasle, langile eta euskaltzaleek... [+]


Beskoitzeko ikastola
Falloux legearen oldarraldiari eutsita

Beskoitzen ez zen ikastolarik, 2013an inauguratu zuten arte, guraso batzuen etxean, hiru haurrekin. Falloux Legearen mamua hor badabil ere, gaur egun herriko etxeko lurretan, alokairuan, prefabrikatuan, 13 haur daude ikastolan.


2014-05-12 | Iera Aranburu
Seaskak bizi duen egoera larria gogora ekarri dute Herri Urratsen

Senpereko lakuan ospatu da Lapurdi, Nafarroa Behera eta Zuberoako ikastolen aldeko jaia. Miarritzen lizeo berri bat eraikitzeko erabiliko dute bildutako dirua.


Eguneraketa berriak daude