Baiona alternatiben hiriburu bihurtuko da asteburuan

  • Bizi! mugimenduak klimaren aldeko herri mobilizazioa antolatu du Baionan urriaren 6an, igandean.


2013ko urriaren 02an - 00:00
Azken eguneraketa: 2015-02-26 13:37:33
Iturria: enbata.info

Iniziatiba honekin, klimaren inguruko herritar mobilizazioa abiarazi nahi dute, 2015 urte amaieran Parisen eginen den COP21, aldaketa klimatikoaren inguruko Nazio Batuen goi bilerari begira.

Festa giroan klima aldaketa, ekologia eta energiaren krisialdia bezalako gaiei aterabide indibidual zein kolektiboa emateko eremua izatea du xede ekimenak; eta horretarako egun osoko egitaraua antolatu dute Baionako hirigunean.

100 hizlari, 200 artista eta beste horrenbeste esposiziogile arituko dira egungo alternatiba sozial eta ekologikoen erakusleiho lanetan. Besteak beste, nekazaritza eta elikadura, eko-etxebizitza, garraioa, kontsumo eta finantza arduratsuak, energia, udal eta lurralde mailako alternatiba gaiak landuko dira egunean zehar.

Horretaz gain, kaleko antzerkia, bazkari herrikoia, nekazari eta bizikleten merkatua edota trukerako guneak ere izango dira. Txoko garrantzitsuena klimari bereziki eskainitako 1.000 metro koadroko karpak hartuko du. 

Omenaldi eta musikarentzako tartea ere izanen da Alternatiba ekimenaren baitan. Besteak beste, Stéphane Hessel, proiektu honi babes osoa adierazi zion gizona, omenduko dute. Eta Les Motivés (Zebdako musikari eta kantariak + gonbidatuak) eta Willis Drummond taldeek kontzertu berezia eskainiko dute, Fermin Muguruza, Fernando Sapo eta Gorka Urbizu gonbidatuen laguntzarekin.

Antolakuntza lanean mila lagun baino gehiago bildu dituen ekimen honek, 10.000 pertsona bildu nahi ditu aldaketa klimatikoaren alternatiben eremu izango den honetan.


Kanal honetatik interesatuko zaizu: Ekonomia soziala
Hazien lezioak, lan produktibo eta erreproduktiboak bereizteaz

Haziekin hamaika metafora eta hitz joko egin dira. "Zerbaiten hazia izan", "proiektu baten hazia erein", "etorkizunerako haziak"... esamoldeak ezagun zaizkigu. Zerbait berezia dute haziek.


Numeriko iraunkorraren eguna Baionako Estitxu Robles kolegioan

Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.


2024-03-03 | Garazi Zabaleta
Azokoop
Pirinioetako Artzibarren lan eta bizi: hurbileko kontsumorako denda eta proiektua

Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]


Analisia
Agroekologia, alternatiba politiko bat

Gabonei buruz gaizki esaka behar baino gehiago jan eta edan, hondamendira garamatzan kontsumismoaren parte garela onartu eta gurutze hori eramangarria egiteko bidea aurkitu, etzidamu egunerokora itzuli arte. Askok egingo dugu hori, eta ez dut uste indibidualki eta etxean... [+]


Ertzeko bizitzen auto-eraketa sareak eta KoopFabrika

Niretzat Talaios kooperatibaren eta Olatukoopen bitartez kooperatibismoan eta ekonomia eraldatzailean jardutea zer den galdetzen didatenean, erantzuten dut izan dela lanaren eta kolektiboaren bitartez emantzipaziorako bideari ekiteko aukera. Eta bide horretan, oso garrantzitsua... [+]


Eguneraketa berriak daude