Eskoziari autonomia gehiago aginduz independentzia geldiarazi nahi du Londresek

  • Erresuma Batuko gobernuak Eskoziari autonomia gehiago emateko neurriak garatuko ditu, betiere hilaren 18an egingo den independentziari buruzko erreferendumaren emaitza ezezkoa bada.


2014ko irailaren 08an - 00:00
Azken eguneraketa: 2015-02-26 13:37:33
Azken inkestetan independentziari baiezkoa lehenengo aldiz gailendu da (argazkia: BBC)

George Osborne finantza ministro britainiarrak neurrien berri eman dio BBC kate britainiarrari igandean, azken inkestetan baiezkoak (%51) ezezkoari lehenengo aldiz gailendu eta gero.

Osbornek adierazi duenez, hurrengo egunetan Eskoziari botere gehiago emateko plana ezagutzera emango dute. Erreferendumean ezezkoak irabaziz gero, Erresuma Batuak botere gehiago emango dizkio Eskoziari, batez ere arlo fiskalean. Gastatzeko ahalmena eta ongizate-estatuaren inguruko eskumenak ere handituko lituzke Eskoziak.

Parlamentu britainieko hiru alderdi nagusiak neurriari buruz eztabaidatzen ari dira momentu honetan.

Panikoa?

Eskoziaren independentziaren aldekoek paniko seinaletzat jo dute Londresen azken saiakera independentzia eragozteko. Better Together (Hobeto Elkarrekin) kanpaina unionistako buru Alistair Darlingek akusazioak ukatu ditu eta ziur agertu da ezezkoak irabaziko duela.

Hala ere, erreferendumean “Eskoziako boto-emaile bakoitzak balantzan potentzialki eragin” dezakeela aitortu du Darlingek.

Informazio gehiago:

Aitor Agirrezabalek Cameronen gobernuaren azken eskaintza baloratu du Eskoziari eskainitako "Albako haizeak" blogean: "Erreferendum demokratikoa?".


Kanal honetatik interesatuko zaizu: Eskoziaren independentzia
2023-06-12 | Leire Artola Arin
Nicola Sturgeon Eskoziako lehen ministro ohia atxilotuta izan dute zazpi orduz

Kargurik gabe aske utzi du Poliziak, galdekatu ostean. Susmagarri gisa atxilotu dute, SNP Eskoziako Alderdi Nazionalaren finantzaketaren inguruan irekita jarraitzen duen ikerketa baten harira. Bigarren erreferenduma egiteko dohaintzan jasotako diruari lotuta dago kasua.


2022-11-23 | ARGIA
Londresen baimenik gabe, erreferendum legalik ez
Eskoziari erabakitzeko eskubidea ukatu diote Erresuma Batuko Auzitegiek

Bi hilabeteren buruan eman du ebazpena Erresuma Batuko Auzitegi Gorenak: Eskoziako parlamentuak ez du independentziari buruzko galdeketaren inguruko legeak egiteko eskumenik, ezinbestekoa da horretarako Westminsterreko parlamentuaren onespena.


2022-10-11 | Leire Artola Arin
2023an independentzia erreferenduma egiteko asmoa berretsi du Eskoziako lehen ministroak

Britainiako Auzitegi Gorenak orain erabaki behar du legezkoa den ala ez Erresuma Batuko Gobernuaren onespenik gabe 2023ko urriaren 19an erreferenduma egitea. Sturgeonek ziurtatu du baimenik eman ezean hauteskundeak baliatuko dituztela independentzia galdeketa gisa.


Olatu berria Eskoziatik?

Denbora azkar pasatzen da, are gehiago pandemiaren eraginez bi urte hain geldo eta arraro bizi ostean. Nicola Sturgeon Eskoziako lehen ministroak, ekain amaieran, iragarri zuen 2023ko urrian herrialdearen independentziari buruzko kontsulta berria egiteko asmoa duela, eta horrek... [+]


2022-07-06 | ARGIA
Eskoziako bigarren independentzia erreferendumari ezezkoa eman dio Boris Johnsonek

Independentziari buruzko bigarren erreferenduma 2023ko urriaren 19an egitea proposatu zuen Nicola Sturgeon Eskoziako lehen ministroak joan den astean. Ezezkoa erantzun dio Boris Johnson Erresuma Batuko lehen ministroak


Eguneraketa berriak daude