Hirietan autoen abiadura orduko 30 kilometrora mugatzeko eskaera
Europako hainbat erakundek, tartean Ekologistak Martxan kolektiboak, hirietan autoen gehienezko abiadura orduko 30 kilometrora mugatzeko proposamena luzatu diote Sim Kallas EBko Garraio komisarioari, Europako Mugikortasun Astearen harira. Abiadura murriztearen aldeko herri ekimenaren hitzetan, kutsadura maila gutxitzeko beharrezkoa da apurka-apurka autoaren erabilera murrizten joatea. Hirietan abiadura mugatzea urrats bat da.
Garraio komisarioak lege proposamena onartuko balu, herri mugimenduak urtebeteko epea izango luke milioi bat europarren sinadurak biltzeko. Behin firmak eskuan izanda, Europako Batzordeak zein ekimen garatuko dituen zehaztu beharko du.
Kazetaritza independentea eta profesionala egiten dugu, euskaraz eta euskaldunontzat.