Aurpegi ezagunak frackingaren debekua eskatzeko

  • Sinadurak biltzeko epearen luzapena eskatuko zutela iragarri eta egun gutxira, Fracking Ez plataformak bideo bat kaleratu du, haustura hidraulikoa EAEn debekatzea xede duen Herri Ekimen Legegilea (HEL) sustatzeko.


2014ko maiatzaren 20an - 00:00
Azken eguneraketa: 2014-05-26 11:29:49

 

 

Hiru minutu eta erdiko bideoan, hainbat pertsonai ezagun frackingaren kalteez mintzatzen dira, eta herritarren izenpea eskatzen dute HELa Gasteizko Legebiltzarrera iritsi dadin. Halaber, gogorarazten dute lehen zulatze lanak 2015ean hastekoak direla, eta eskatutako lan-baimenak Arabako lurraldearen %88, Bizkaiko %76 eta Gipuzkoako %40ri dagozkiola.

Bideoan parte hartu dute Itziar ituño eta Unax Ugalde aktoreek, Porrotx pailazoak, eta Pello Reparaz, Ines Osinaga, Osoron eta Amaia Zubiria musikariek. Gasland dokumentalaren hainbat irudik laguntzen diete haien hitzei.


Kanal honetatik interesatuko zaizu: Frackingaren arriskua
Gas naturalaren dilema Herbehereetan: prest gaude Groningen hobia ixteko?

Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]


2021-08-27 | Arabako Alea
Gasteizen gasa esploratzeko helegiteari eutsi dio Eusko Jaurlaritzak

Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.


2020-12-23 | Z. Oleaga
Armentia-2 putzuan gasa dagoen ikertzeko baimena ukatu du Gasteizko Udalak

Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.


2020ko uda hartan COVID-19a zabaldu zen, klima zoratu... eta fracking-ak porrot egin zuen

COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]


Eguneraketa berriak daude