Aseguru etxeek euren zerbitzuak euskaraz eskaintzea du helburu Euskaraz seguruago izeneko kanpainak. Euskararen Gizarte Erakundeen Kontseiluak, Hizkuntz Eskubideen Behatokiak eta Ziurtagiriaren Elkarteak jarri dute abian. Pau Bilbao Behatokiko zuzendariak azaldu duenez, azken urteotan hainbat kexa jaso dituzte herritarren aldetik aseguru-polizak, kontratuak, baldintzak eta abarrekoak gaztelania hutsean helarazten zizkietelako aseguru etxeek.