ARGIA.com-ek greba orokorraren jarraipen berezia egingo du bihar
ARGIAko langileek murrizketen aurka deitutako Greba Orokorrarekin bat egin dute. ARGIA.com-en eragin bikoitza izango du. Bihar grebaren jarraipen informatiboa egingo dugu, eta webguneko bestelako edukiak ezingo dira bisitatu.
Twitterren (aurreko greba orokorreko formulari jarraituz #i26greba etiketa erabiliko da), Facebook-en eta beste hainbat webgunetan plazaratutako albiste, analisi, argazki eta bideoekin egunaren kronologia osatzeaz gain, ARGIAko kazetariek eta kolaboratzaileek hainbat herritatik bidalitako kronika eta irudiak sareratuko ditugu.
Kazetaritza independentea eta profesionala egiten dugu, euskaraz eta euskaldunontzat.