Ander Iturriotz idazle eta soziologo ordiziarra da Euskal Idazleen Elkarteko lehendakari berria, elkarteak larunbatean Irurtzunen ospatutako batzar nagusian adostu ostean. Postu horretara aurkeztutako kide bakarra izan zen, eta Fito Rodriguezek utzitako kargua hartuko du. Berarekin batera Castilo Suarez, Aitor Txarterina, Juan Mari Apaolaza, Carmen Valois, Josu Martinez eta Iñaki Friera idazleak kide izango ditu Zuzendaritza Batzordean.
