Amaiur Geroa Bairekin ituna egitea aztertzen ari da talde parlamentarioa lortzeko
Xabier Mikel Errekondo Amaiurren Espainiako Kongresuko bozeramaileak esan du Espainiako Kongresuan talde propioa izateko Geroa Bairekin ituna egitea planteatzen ari direla. RNE irratian egin ditu adierazpenok.
Kongresuko Mahaiko lehen lehendakariordeak, PPko Celia Villalobosek, adierazi du Amaiurrek ez duela talde parlamentariorik izango, Geroa Bairekin akordio batera heldu arren.
Kongresuko mahaiak, PPren botoengatik, ez dio Amaiurri talde propiorik izaten utzi. Popularrek Kongresuko mahaian 5 ordezkari dituzte, PSOEk 3 eta CiUk 1. PSOE eta CiU abstenitu egin dira bozkaketan, Aholku Batzordeak aurkeztu duen informe juridikoa "ez dela serioa" iritzita.
Amaiurrek gaur 20:00ak arte du alegazioak aurkezteko epea eta asteburua pasata emango lukete epaia berriz. Bigarren epai honekin ere ados ez baleude, Konstituzio Epaitegia lukete hurrengo pausoa.
Amaiurrek zazpi ordezkari lortu zituen azaroaren 20ko hauteskundeetan.
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]