Amaiurrek eta ERCk autodeterminazioaren aldeko elkarlana hasi dute Espainiako kongresuan
Amaiur koalizioak eta Herrialde Katalanetako ERCk talde bat sortu dute Espainiako kongresuan, elkarrekin autodeterminazio eskubidearen alde lan egiteko. Talde horrek erabakitzeko eskubidearekin lotutako ekimen parlamentarioak bultzatuko ditu. 10 diputatu dauzkate bi taldeek bat eginda.
Gaur egin dute lan batzorde horrek lehenengo bilera. Horren ostean Jon Iñarritu Amaiurreko ordezkariak adierazi du "XXI. mendeko Europan normaltasunez eta demokratikoki eztabaidatu ahal izatea" dela lan taldearen helburua. ERCko Alfred Boschek berriz, Rajoyri eskatu dio "Espainiako David Cameron" izan dadila.
Ez da ERCk euskal subiranistekin Espainiako kongresuan elkarlanean diharduen lehenengo aldia. Urte askoan Eusko Alkartasuna izan du aliatu kongresuan eta 2004an talde parlamentario propioa osatzeko ideia zeukatela ere adierazi zuten.
Kazetaritza independentea eta profesionala egiten dugu, euskaraz eta euskaldunontzat.