Amaitu da Gazako sarraskia
Hamas eta Israelek su-eten iraunkorra adostu dutela jakinarazi dute astearte arratsaldean. Gazan jendetza kalera atera da ospakizunetara.
Su-etenarekin batera hainbat neurri onartu dituzte. Israel eta Gazaren arteko muga irekitzea adostu dute, laguntza humanitarioa eta Gaza berreraikitzeko materialak ahalik eta azkarren sar daitezen. Palestinako arrantzaleek orain arteko hiri miliatik sei miliako inguruan arrantzatu ahal izango dute. Beste gaien inguruko zeharkako negoziazioek hilabete barru jarraituko dutela jakinarazi du Egiptok.
Egiptoko Gobernuak ohar baten bidez jakinarazi du su-eten iraunkorra asteartean arratsaldeko 18:00etan (Euskal Herriko ordua) sartu dela indarrean. Azken egunetan Israel eta Palestinako ordezkaritzak Kairon negoziatzen izan dira, Egiptoren bitartekaritzarekin.
Oharraren arabera, hitzarmena Egiptok proposatutako ekimenean eta 2012ko Kairoko akordioetan oinarrituta dago. Azken hauek Gazaren gaineko Israelen aurreko operazioarekin bukatzea ahalbidetu zuten.
Maulen eta Baionan egon berri da Pierre Stambul, Palestinaren alde dabiltzan kolektiboek gomitaturik. Judu laikoa eta nazien genozidioa hurbiletik ezaguturikoa da, bere amaren alde guztia deuseztatu zutelako. Erresistente komunistak zituen gurasoak, aita Manouchian talde... [+]
33.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Israelgo mediku batek akusazio larriak egin ditu bertako gerra ospitale batean palestinarrei ematen dieten tratua dela eta: hanka eta eskuak esposatuta dituzte, anputazioak jasaten dituzte, pixoihaletan egiten dituzte haien eginkariak, eta lastotxo batekin elikatzen dituzte.