Ada Colau: “Gehiengoa gara, baina botererik ez dugula pentsatzeko hezi gaituzte”


2013ko abuztuaren 06an - 00:00
Azken eguneraketa: 2015-02-26 13:37:33
Colau: "Herritarren ordezkariak izan beharko luketenak, demokraziaren etsai nagusiak dira". (Argazkia: lavanguardia.com)

“[Rajoyren agerraldiaren] okerrena, den-denok hori bera espero genuela da: bere burua modu justifika ezinean eta zigorgabetasun osoz zuritzea. (...) Kongresua ez dago gertakariek eskatzen duten mailan, eta horrez gain, herritarren ordezkariak izan behar luketenak demokraziaren etsai nagusiak dira. Egoera iraultzeko modu bakarra herritarren inplikazioa da”.

“PAH-rekin gertatu denak argi utzi du: baliabide gutxi izanda ere, antolatuz gero, sinestarazi digutena baino askoz ere botere handiagoa dugu. Gehiengoa gara, baina botererik ez dugula pentsatzeko hezi gaituzte”.

“Eskratxeak arrakastatsuak izan ziren hainbat alorretan. Hasteko, argitu behar da eskratxeak ez zirela ezerezetik sortu; lau urtez Administrazio Publikoaren arreta gureganatzeko saiakera antzuan jardun ondoren hasi ginen horrekin, inpotentziaz gainezka. Gainera, agerian utzi zuten bizi dugun krisi demokratikoa. Esan bezala, ekintza arrakastatsua izan zela uste dugu, eta berriz erabiliko dugu beharrezkotzat jotzen dugunean”.

“PPko ordezkariak gu kriminalizatzen saiatu ziren, baina maila juridikoan, eta batik bat maila sozialean, gaizki atera zaiela esango nuke. Lau urte baino gehiago igaro dira plataforma sortu zenetik, eta mundu guztiak ezagutzen du. Herritarrek badakite giza-eskubideak defendatzen dituen herri-mugimendu bakezalea dela. Terroristaren guztiz kontrakoa gara, bankuen terrorismoaren aurka antolatzen den eragilea baikara. Horregatik, kriminalizazio saiakera horretan geratu da, saiakeran.”

“Hain da larria Espainian erakunde publikoek eta finantza-erakundeek egin dutena, botere ekonomiko eta politikoak krisiaren azalpen ofizial bat asmatu duela, bitkimak kriminalizatzen dituena. Hasiera batean funtziona dezake, herritarrak lotsatuta eta etsita baitaude. Horregatik, PAHren lan-lerro nagusietako bat aholkularitza kolektiboa izan da, kaltetutako herritarrek arazo indibiduala baino gehiago dela ikus dezaten. Hori sinestarazten badizute ere, zu ez zara ‘galtzaile’ bat. Arazo kolektibo bat da, jatorrian iruzurra duena”.

“Bide honetatik jarraitzen badugu, herri mugimenduei ekinez, politikari eta bankariak bere lekuan jarriko ditugu lehenago edo geroago. [Espainiar estatuan] batzuek herritarrei gezurrak esan eta lapurtu egiten diete, eta ez du inork kargua galtzen. Ondorioz, bota egin beharko ditugu”.


Kanal honetatik interesatuko zaizu: Etxegabetzeak
Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Iruñean familia bat etxegabetuko dutela salatu dute Harituk eta Jaki Tokik

Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.


2024-02-13 | ARGIA
Hamabi familia etxetik bota nahi dituzte Pasaian, trenbide zati bat egiteko

Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.


Bilboko etxegabetzearen aurka protestan ari direnen kontra oldartu da Ertzaintza

Ostiral goizerako zegoen ezarrita etxegabetzea eta horren kontrako protestara dei egin du Bilboko Etxebizitza Sindikatuak. Protestan ari direnen aurka oldartu da birritan Ertzaintza, eta dagoeneko pertsona bat atxilotu du, Gedar-ek jaso duenez. Etxegabetzea burutu dute.


Eguneraketa berriak daude