Abortuaren lege erreforma atzera bota dezake Espainiako Gobernuak

  • Espainiako Gobernuak atzera egingo du abortuaren aurkako lege proiektuan, asteburuan El Mundo egunkariak azaldu duenez. Borja Semper Gipuzkoako PPko presidenteak ere baieztatu egin du Mariano Rajoyren asmoa, “gobernu onak herritarrei entzun eta erabakiak zuzentzen dakitenak” direla esanez.


2014ko irailaren 15an - 00:00
Azken eguneraketa: 2015-02-26 13:37:33
Gobernuko barne adostasun faltak eraginda utz dezakete erreforma atzean. (Arg.:labsindikatua.org)

Uztaila bukaeran, Alberto Gallardon Espainiako Justizia ministroak adierazi zuen abortuaren lege erreforma uda bukatu aurretik onartuko zela. Uda bukatzear dela, ordea, badirudi Gobernuak bertan behera utziko duela erreforma “barne adostasun faltagatik”. “Ez dago adostasunik proiektuarekiko, eta ez bada akordiorik lortzen, oso zaila dirudiena, legea ez da onartzen eta bakea”, adierazi diote alderdi popularreko zenbait kidek berripaperari.

PPko Belaunaldi Berriak-en Donostiako ekitaldian, Borja Semperrek baieztatu egin du Mariano Rajoyren Gobernua erreformarekin atzera egitekotan dela. Akordio faltaren aurrean, Gobernuak herritarrei entzun eta erabakia zuzentzen jakin duela esan du.

“Naturala eta logikoa da, hainbeste faktore indibidual, kultural eta erlijiosok eragina duten gaiak eztabaida sortzea”, adierazi du Semperrek. “Gobernu ona, pentsatzen duenatik harago, gizarteak nahi duenera egokitzen dena da”, gehitu du.

Hauteskundeei begira

Mugimendu feministaren borroka handia izan da gaia. Zenbait adituk ondorioztatu dutenez, ordea, abortuaren legeak hauteskundeetarako PPren interesei kalte handia egin dielako utzi dezakete orain bertan behera.

Pedro Arriola soziologo eta PPren aholkulariaren ustetan, alderdiko jende askok “ez zuen ez nahi, ez espero Gobernuak horren modu murriztailean emakumeei zuzenean eragiten dien gai baten inguruan legeztatzea”. PPrentzat garrantzitsua izango den hauteskunde urtean, Gobernuak egoera gainditu eta eztabaida saihestu nahi duela azaldu du.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Abortu eskubidea
2024-03-12 | Euskal Irratiak
Jacqueline Idiart
"1970eko hamarkadan milioi bat emaztek abortatzen zuten Frantzian legez kanpo"

Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.


Frantziako Konstituzioak jasoko du "aborturako askatasuna bermatzea"

Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.


"Aborturako askatasuna" konstituzioan jasotzearen alde bozkatu du Frantziako Senatuak

267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.


Espainiako Gotzainen Batzarraren aurka Donostian agertutako kartelak ikertzeko eskatu dute Abokatu Kristauek

Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]


Elizaren pederastia kasuak salatzeko kartelak agertu dira Donostian

Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".


Eguneraketa berriak daude