Abortua zentro publikoetan egiteko aukera jaso du Nafarroako Osasungintza plan berriak

  • Nafarroako Parlamentuko Osasun Batzordeak asteartean onartu du 2020rainoko plana, UPN, PSN eta Izquierda-Ezkerraren aldeko bozkekin eta Bildu, Aralar eta PPNren abstentzioekin. Legebiltzar-taldeen 77 proposamenetik 76 hartu dituzte kontuan.


2014ko irailaren 17an - 00:00
Azken eguneraketa: 2015-02-26 13:37:33
Nafarroako Parlamentuko Osasun Batzordea (argazkia: Oskar Montero)

Nafarroako osasun publikoan abortatu ahal izateko aukera jasotzen du planak, besteak beste. Izquierda-Ezkerrak egin du proposamena eta PSNk, Bilduk eta Aralarrek babestu dute. UPN eta PPNk kontra bozkatu dute.

Medikuntza ikasketak Nafarroako Unibertsitate Publikoaren eskaintza akademikoari gehitzea ere onartu dute. Neurri hori “beharrezkotzat” jo du batzordeak, izan ere, egun Nafarroan Opus Deiren unibertsitateak baino ez du medikuntza ikasteko aukera ematen.

Pribatizazioak eta koordainketak eragotzi

Bilduk eta Aralarrek osasun sistemaren “jasangarritasuna” sustatzeko proposamena egin dute, “zerbitzuen pribatizazioa, koordainketa berriak edota prestazioetan aurrekontu-murrizketak ”, saihesteko neurriak biltzen dituena.

HIES-a duten pertsonen gaineko prebentzio eta ekintza programak sustatzea onartu dute, baita gizarte-bazterketa arriskuan dauden taldeen osasuna sustatzeko programa sortzea ere.

Umeen oinarrizko eta doako hortz zainketarako programa 18 urteraino zabaltzeko proposamenak ere aurrera egin du  (2011. urtean 15era murriztu zen). Sexu-heziketako profesionalen formakuntza ere handituko da, %5etik %25era.

Genero indarkeria “osasun publikoko arazotzat” jotzearen garrantzia nabarmendu du UPNk. Alderdiak proposatutako neurrien artean daude: tratu txarren detekzioa muturreraino eraman, hauek historia klinikoan islatuz; Gizarte eta Hezkuntza Politikekin kooperazioa handitu; eta Osasun Behatokiari kalteen eta arrisku psikosozialaren neurketa egitea eskatu. .

Guztira Bildu eta Aralarren 41 proposamen, Izquierda-Ezkerraren 23, UPNren hamaika eta PSNren bi gehitu dizkiote dokumentuari.


Kanal honetatik interesatuko zaizu: Abortu eskubidea
2024-03-12 | Euskal Irratiak
Jacqueline Idiart
"1970eko hamarkadan milioi bat emaztek abortatzen zuten Frantzian legez kanpo"

Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.


Frantziako Konstituzioak jasoko du "aborturako askatasuna bermatzea"

Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.


"Aborturako askatasuna" konstituzioan jasotzearen alde bozkatu du Frantziako Senatuak

267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.


Espainiako Gotzainen Batzarraren aurka Donostian agertutako kartelak ikertzeko eskatu dute Abokatu Kristauek

Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]


Elizaren pederastia kasuak salatzeko kartelak agertu dira Donostian

Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".


Eguneraketa berriak daude