Abian da Ikasle Abertzaleek antolatutako Eskola Ibiltaria
“Herritik herriarentzat” eraikitako “Euskal eskola nazionala” aldarrikatuz abiatu da asteazkenean Ziburutik Ikasle Abertzaleek antolatutako hamabigarren Eskola Ibiltaria. Hitzaldiak, jolasak, tailerrak eta beste hamaika jarduera uztartuko dituzte hiru egunetan. 30 lagun parte hartzen ari dira, eta ibilbidea Donostian bukatuko dute ostiralean.
Ikasle Abertzaleek aurten berreskuratu dute Eskola Ibiltaria, azken lau urteetan ez baita antolatu. “Hezkuntzaren eztabaida bizi-bizirik dago, eta euskal ikasleriaren aldarria plazaratzeko momentu ona da, ikasle mugimendua aktibo dagoelako”, adierazi diote Iraide Kintana eta Antxon Rodriguez IAko kideek Berria egunkariari.
Eskola Ibiltariak Frantzia eta Espainiako estatuen mugak hautsi nahi ditu. Horregatik, Lapurdin hasi eta Gipuzkoan bukatuko da ibilbidea. Ikasle Abertzaleek azaldu dute “Euskal Herri osoarentzako alternatiba” eraiki nahi dutela, nahiz eta erakunde nazionala ez izan.
Lehenengo egunean Hendaiako ikastolaren egoera eta Baxoa euskaraz egiteko zailtasunak izan dituzte hizpide Hendaian egindako hitzaldietan. Nazio eraikuntza izango da gai nagusia bigarren egunean, eta hirugarrenean Latinoamerikako ikasle mugimenduaz hitz egingo dute.
Arazoak hasiera ekitaldian
Ziburuko plazan egindako ekitaldiarekin ekin zioten Eskola Ibiltariari, baina aurreikusitakoa baino beranduago. Izan ere herriko auzapezak ekitaldia plaza erdian egitea debekatu zuen eta udaltzainak agertu eta alde egiteko eskatu zieten antolatzaileei. Azkenean, plazaren bazter batean egin behar izan zuten.
Eskola Ibiltaria Ziburu, Hendaia, Lezo eta Donostiatik pasako da. Topatu.info-k gertatzen den guztia bilduko du, eta egun bakoitzeko kronika plazaratuko du bere webgunean.
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]