Eusko Jaurlaritzako Hezkuntza Sailak ikasturte berriarekin batera abian jarri du LHn eta DBHn hiru eleko hizkuntza sistema. Proposamena hiru urtetan eta 40 ikastetxetako hainbat geletan aplikatuko da. Behin hiru urteko tartea igarotakoan erabakiko dute nolako sistema aukeratu. Orain, gutxienez bost eskola orduetatik batek izan beharko du derrigorrez hizkuntza bakoitzean (euskara, gaztelania eta ingelesa). Horren arabera, D ereduko eskoletan euskara orduak murriztu egingo dira eta A eredukoetan euskara ordu gehiago izango dituzte.