Euskal Herriko gatazkaren konponbidea sustatzeko eztabaida eguna Baionan
Bakea oinarritzat hartuta gatazkaren konponbideaz hausnartzeko bakearen aldeko foroa antolatu dute Baionan. “Eztabaida ziklo iraunkorra” helburu duen ekimena abenduaren 15ean izango da.
Iazko urriaren 20an ETAk borroka armatua betiko utziko duela iragarri zuen. Urtemuga horren harira antolatu dute Bake Bidea taldeak gatazkaren irtenbidea hizpide izango den eztabaida eguna, Lokarrirekin eta unibertsitatearekin elkarlanean. Iazko Aieteko Bake Konferentzian izan ziren eragileek ere parte hartuko dute.
“Prozesuaren arrakasta herritar guztien ekarpenaren araberakoa izanen da”, adierazi du Bake Bideak. Aieteko bidea jarraitu nahian jendartean eztabaida sortu eta prozesuari buruzko gogoeta sustatu nahi dute.
Bake Bidea
Gatazkaren konponbidearen inguruan mintzatzea beharrezkoa zela pentsatzen duten Ipar Euskal Herriko eragile sopzio-politiko desberdinak elkarlanean aritu dira 2010. urteaz geroztik. Etxerateko, Alderdi Komunistako, Giza Eskubideen Aldeko Euskal Herriko Komiteko eta Batasunako ordezkariak biltzen dira kolektibo horretan, besteak beste, Bake Bidea kolektiboak.
Publizitatea
 |
|
||||
2369 zenbakia. Azkena || Hemeroteka
|
Babeslea
Ale berean...
Kazetaritza independentea eta profesionala egiten dugu, euskaraz eta euskaldunontzat.