Sopelako 20 urteko A ereduko ikasle ohi batek Eusko Jaurlaritzako Hezkuntza Sailaren aurkako salaketa jarri du eta 10.600 euroko kalte-ordaina eskatu dio. A ereduan ikasi arren euskara euskaltegian ikasi behar izan zuen eta horrek eragindako gastuengatik eskatu dio kalte-ordaina. Atzo (20) egin zen ahozko epaiketa Gasteizen. Bertan izan ziren Euskal Herriak Bere Eskolako ordezkariak Sopelako ikasleari babesa emateko. Iñigo Santxo ikaslearen abokatuaren esanetan, sententziak arrazoia emanez gero, "A ereduaren amaieraren hasiera izango litzateke" eta salaketa gehiago eragingo lituzke ziurrenik.