Irailean jarriko da martxan Eusko Jaurlaritzaren Bizikidetza Demokratiko eta Indarkeriaren Deslegitimaziorako Plana. 2011ra bitartean 6,7 milioi euroko aurrekontua izango du. Plana babestu dute PSE, PP eta UPyD alderdiek; EBk "sostengu kritikoa" azaldu dio; Aralarrek eta EA planaren aurka azaldu dira; eta EAJk ez dio egitasmoari sostengurik eman. Iñigo Urkullu EBBko buruak bere blogean adierazi duenez, Jaurlaritzaren plana "lehendakariaren irudiaren zerbitzura dagoen tresna politikoa da".