"Robert Capa euskalduna"-ren argazki argitaragabeak sareratu ditu Haritz Rodriguezek

  • Haritz Rodrigez kazetari donostiarrak inoiz argitaratu ez ziren Gerra Zibileko argazkiak zintzilikatu ditu bere blogean.


2014ko otsailaren 24an - 00:00
Azken eguneraketa: 2015-02-26 13:37:33
Gudari ezezaguna, 1936 (Argazkia: Miguel cañizal)

Tokitan.tv-n daude ikusgai Rodrigezen osaba-zaharrak, Miguel Cañizalek, ateratako argazkiak. Kirikiño eta Ibaizabal batailoietako kapilauen kapitaina izan zen Cañizal.

Rodrigez kazetari eta bloglariaren familiak 36ko Gerra bertatik bertara bizi izan zuen: aitaren aldeko aitonak CNTko “Talleres de la Guerra” batailoian borrokatu zuen; amonaren anaiek Bakunin batailoian; eta amaren aldeko aitona eta bere anaiak berriz Amuategi batailoiaren parte izan ziren. Denek Eusko Gudarostean batu zituzten indarrak.

“Gure familian Robert Capa bat izan genuen”, dio kazetariak, Miguel Cañizal aitona-zaharrari erreferentzia eginez. “Etxean esan zidaten bazeudela Miguel aitona-zaharrak ateratako argazkiak. Amama eibartarrak ganbaran gordeta zituen, eta aitari oparitu zizkion azkenean”, azaldu du Rodrigezek.

Robert Capak gerra hartan ateratako argazkiak mundu osoan dira ezagunak, baina ez hargatik bakarrak. Euskal Herrian ere izan zen Gerra Zibila erretratatu zuenik: Indalecio Ojanguren "Kajoitxu" mendizale eibartarra da ezagunena.

Kajoitxu eta Cañizal adinkide eta herrikide izan ziren. Elkar ezagutuko zuten seguru, baina horretaz gain, Ojangurenen argazki esanguratsuenetako batean Isaías Cañizal Miguelen anaia ageri da, sufragio unibertsala lortuta Estatutuaren bozketan, hautes-mahaian datuak hartzen.


Kanal honetatik interesatuko zaizu: 1936ko gerra
Jokin Pantxeska Etxebarria. Gerrako ume, aitaita
"Hiru aldiz esan dute gorria naizela, komunista!"

Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]


Missak Manouchianen lorratza
Euskal partisano komunistak nazien kontra

Otsailaren 21ean Missak Manouchian eta Melinée Assadourian senar-emazte armeniarren gorpuzkiak Pariseko Panteoian sartuko dituzte ohore guztiekin. Poeta eta partisano komunista, Manouchianek ekintza ikusgarriak gidatu zituen Bigarren Mundu Gerran okupaturiko Frantzian,... [+]


Frankismoko bunkerrak
Hormigoizko orbainak Pirinioetako mugan

1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]


Espoliazio frankista
Ibex35 eta euskal oligarkiaren zimenduak

Frankismoa ez zela 1975ean amaitu diktadoreak ohean azken hatsa eman zuenean, hori badakigu. Erregimenaren haziek bizirik iraun zuten poliziaren tortura ziegetan, justizia auzitegien sumarioetan eta militarren zein politikarien deklarazio kolpistetan –Aznarrek azkenaldian... [+]


Eguneraketa berriak daude