35 presok gose greba hasi dute, Uribetxebarriari elkartasuna adierazteko
Donostiako Ospitalean dagoen Josu Uribetxebarria preso arrasatearrak gose greba hasi zuen herenegun, eta hari elkartasuna adierazteko, Villefranche sur Saone, Fresnes, Castello II eta Sevilla II espetxeetako 35 euskal presok erabaki bera hartu zuten atzo. Horiez gain, beste bost lagunek hasiko dute gaur gose greba, Herrira plataformak jakinarazi duenez.
Herrira-ko Fran Baldak eta Jon Garaik, Ander Alberdik (bularreko minbizia duen Gotzone Lopez de Luzuriaga presoaren senarrak), Joxerra Askasibar Arrasateko Udaleko zinegotziak eta Rodolfo Cuesta preso ohiak hasiko dute gose greba, goizeko 10:00etan.
Ordu berean, Herrira plataformak elkarretaratzea egingo du Donostiako Ospitalean, gizarte eragileekin batera. Bihar, bestalde, manifestazioa egingo da Donostian, Giza eskubide guztiak, euskal presoak Euskal Herrira lelopean. 17:30ean abiatuko da Saguestik.
Informazio gehiago:
Iosu Uribetxebarria presoaren inguruan Twitterren.
Kazetaritza independentea eta profesionala egiten dugu, euskaraz eta euskaldunontzat.