2005etik euskara sustatzeko aurrekontu baxuena aurkeztu du Jaurlaritzak

  • Euskararen sustapenerako 99,9 milioi euro bideratuko ditu Jaurlaritzak, 2005etik kopururik baxuena. Gara egunkariak gaur egin duen analisian azken hamar urteetako aurrekontuak eta euskara indartzera bideratu duten diru kopurua aztertu ditu.


2013ko apirilaren 08an - 00:00
Azken eguneraketa: 2015-02-26 13:37:33
Iñigo Urkullu lehendakaria eta ogasun eta finantza sailburu Ricardo Gatzagaetxebarria (Argazkia: lainformacion.com)

Krisiaren ondorioa dela pentsa daiteke, baina 2006 eta 2007an aurtengoa baino aurrekontu baxuagoekin diru gehiago bideratu zuen euskararen sustapenera Ibarretxeren Gobernuak. 2003tik 2009ra hizkuntza aurrekontuek gora egin zuten, nahiz eta azken urtetan proportzioan behera egin.

Patxi Lopezen Gobernuak pixkanaka diru gutxiago eskaini zion euskarari. Agintaldiaren lehenengo urtean aurrekontu totalaren %1,15, aurreko urtean baino %0,05. Hortik aurrera, hurrengo bi urtetan proportzio berberean murriztu zuen. Urkulluk ez du gehiegi aldatu joera hori, 2012an baino %0,02-ko igoera egin baitu.

Hala, 2005 urtetik lehen aldiz, arlo honetako aurrekontuak 100 milioi eurotik beherakoak izango dira.

Garak jaso duenez, hauteskunde kanpainan Iñigo Urkulluk azpimarratu zuen euskararen sustapenean ez zuela murriztuko. Hala ere, 2013rako aurrekontuek 10 milioi euro gutxiago bideratzen dizkiote hizkuntzari, %9,2-ko jaitsiera

EAJk ez du oraindik aurrekontuetarako babesik lortu. Apirilaren 26an Urkulluren proposamena arbuiatuz gero, 2012koak luzatuko dira.


Kanal honetatik interesatuko zaizu: Hizkuntza politika
EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Hamabi hizkuntzatan banatuko du UEMAK Korrikari buruzko informazioa

23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.


2024-03-04 | ARGIA
Udalekuak egingo ditu UEMAk euskaraz bizi diren gazteentzako

Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu... [+]


Euskara Ipar Euskal Herrian
Azken sokatirak, hizkuntza politika eraginkor baten alde

2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]


Azkoitiko Udala UEMAko kide izango da

EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.


Eguneraketa berriak daude