Gaur goizeko hamarretan hasi da Lluís Colet perpinyarra jo eta su katalanez hitz egiten, ostiral arte isiltzeko asmorik gabe. 124 orduko Guinness errekorra jarri nahi du. Perpinyakoaren asmo nagusia ordea, ez da errekorra ontzea, katalanaren aldeko aldarria egitea baizik. Els catalans en discursos i poesies izeneko hitzaldia hasi da eskaintzen, ia dena katalanez, frantsesezko pasarteren bat kenduta. Lehendik ere hizkuntza eta kultura katalanaren aldeko jardunean ezaguna den Coletek leku esanguratsua aukeratu du hizketaldi luzerako: Perpinyako tren geltokia, Dalik esan zuenez, “munduaren erdigunea”.