ELA, LAB, STEE-EILAS, UGT eta CCOO sindikatuek urriaren 22an eta 24an ordubeteko geldialdia egitera deitu dituzte Kristau Eskoletako langileak. Hitzarmen berria adosteko eskatuko dute lanuzte horren bidez.
Sindikatuek salatu dutenez patronalak Espainiako lan ituna ezarri nahi die langileei, oraingo akordioa baino baldintza eskasagoetan. Rajoyren gobernuak onartutako lan-erreforma baliatuz, langileen ordezkariek diote patronalak haien hitzarmena urratu duela. Akordio berria egin artean aurrekoak indarrean jarraituko zuela biltzen baitzuen orain arteko hitzarmenak.
Aurretik ere izan zuten gatazka sare kontzertatuetan dauden ia 12.000 langileek. 2010ean, Espainiako Gobernuak langile publikoen soldatak %5 jaistea erabaki zuenean, Jaurlaritzak diru gutxiago bideratu zuen itunpeko sarera, soldatak jaistekotan. Langileek auzitara jo zuten orduan, behargin publikoak ez direla argudiatuta. Espainiako Auzitegi Gorenak arrazoi eman zien eta dirua itzultzeko agindu zion patronalari.
Irailaren 26ko egun osoko lan uztearen ondotik datoz berriki iragarritako mobilizazioak, patronalak pausorik eman ez duela iritzita.
Gainera, sindikatuetako ordezkariek datorren urriaren 29rako kontzentrazioak iragarri dituzte erkidegoko hiriburuetan. Eta ohartarazi dute haien eskaeren inguruko erantzunik jasotzen ez badute azaroaren 25etik 29rako astean mobilizazio eta lanuzte gehiago deituko dituztela.
Horrez gain, aipatu sindikatuek Eusko Jaurlaritzak “hitzarmendun hezkuntzak bizi duen egoera larrian erantzukizun zuzena” duela uste dute, eta lehenbailehen adostasun batetara iristeko bitartekaritza lanak egin ditzala eskatu diote.
Mezu subliminalak hartzailearen kontzientziarentzat hautemanezinak diren noranzko bakarreko komunikazioak dira, eragina izan dezaketenak haren nahimenean, portaeran edo pentsamendu kontzientean. Horregatik, mezu subliminal eraginkor bat izate hutsa manipulaziotzat har daiteke:... [+]
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
"Baserriberri" du izena programak eta langabezian diren Euskal Herri osoko 12 ikasleri zurgintza formazioa emango die, erortzear diren baserriak berritzen ikas dezaten.
Irakasleek nota hobea jartzeko joera dute klase altuko ikasleei, neskei eta, laguntze aldera, migratzaileen seme-alabei, baina epe luzera, migratzaileen seme-alaba horiengan espektatiba akademiko txikiagoak dituzte, baita baldintza sozioekonomiko okerragodun haurrengan ere. Hori... [+]
Kataluniako Hezkuntza Sailak (ERC) bertako ebaluazio diagnostikotik ahozko proba kentzea erabaki zuenean, segituan altxa ziren horren kontrako ahotsak: Junts alderdiak, Intersindical sindikatu independentistak eta Plataforma per la llengua eragile sozialak ikasleen ahozko... [+]