Banatu dira 2012ko ARGIA SARIAK

2012-01-27

Karlos Zurutuza Prentsa Idatzia atalean, EITB Nahieran Interneten, Euskal Irratietan Luzien Etxezaharretak eta Jakes Casabonek gidatutako Gure bazterrak saioa Irratian, Klikmetroak.com kanpaina Publizitatean, EiTB Nahieran webgunea Internet atalean eta Kanaldude herri telebista Telebistan. Horiek dira 2012ko ARGIA Sarien irabazleak.

Bestalde, Jose Luis Alvarez Enparantza Txillardegi Enparantza 'Txillardegi'-ri eskaini zaio Merezimenduzko Argia Saria.

[Saridunen argazkia erresoluzio handian]

Egiaztatze batzordeari prozesuak "atzera bueltarik ez duela" berretsi dio ETAk

2012-01-27

Nazioarteko Egiaztatze Batzoerdeak (NEB) ETAren armak uztearen iragarpena “atzera bueltarik ez duen prozesuaren parte dela eta ETAk etorkizunean terrorismo edo indarkeriarekin lotutako ekintzarik burutzeko asmorik ez duela” adierazi du atzo plazaratutako informe batean. NEB konklusio honetara iritsi da hainbat alderdi politiko eta gizarte eragileekin bildu eta ETA berarekin "harreman zuzenak" eduki eta gero.

Europar Batasunak faltsifikazioen kontrako ACTA akordioa onartu du

2012-01-27

Europar Batasuneko herrialdeek bat egin dute faltsifikazioen kontrako ACTA akordio komertzialarekin. Akordioak hainbat kritika jaso du. Besteren artean, internautek salatu dute "akordio komertzial" gisa definitu dutena, egile eskubideei dagozkien legea dela; baita "pirateriaren" eta "faltsfikazioaren" arteko aldea difuminatu egiten duela.

Wired

Bertsolarien burmuina aztertzen ari da BCBL mintzairaren ikerketa zentroa

2012-01-27

Andoni Ega�a burmuineko proba egiten. (Arg. BCBL)

Urriaz geroztik 18 bertsolari BCBLko egoitzan izan dira hainbat proba egiten. Bertsolariek bertsoa egiten duten momentuan burmuinak nola jokatzen duen aztertu nahi dute. BCBL (Kognizioaren, Garunaren eta Mintzairaren Euskal Ikerketa Zentroa) eta Euskal Herriko Bertsozale Elkartea lankidetzan ari dira.

Jim Mather Eskoziako Industria eta Energia ministro ohia Gipuzkoan da Aldundiak gonbidatuta

2012-01-27

Gipuzkoan dabil egunotan Jim Mather Eskoziako Industria eta Energia ministro ohia.

Gipuzkoako Foru Aldundiak gonbidatuta, bi eguneko egonaldia egingo du Jim Mather Eskoziako Industria eta Energia ministro ohiak. Gipuzkoako hainbat alorretako eragileekin bildu zen atzo Mather, batez ere alor ekonomikoko eragileekin.

Paris zigortu dute, ustezko bost ETAkide epaitzeko sei urte behar izan dituelako

2012-01-27

Estrasburgoko epaimahaiak Frantziako Gobernua zigortu du, bost ustezko ETAkide epaitzeko sei urte behar izan dituelako. Ismael Berasategi, Lorentxa Guimon, Kandido Sagarzazu, Iñaki Esparza eta Inocente Soriari 5.000 euro ordaindu beharko dizkio Parisek kalte-galerak direla eta. Horrez gain, beste 2.000 euro jasoko dituzte "zentzuzko denbora baten barruan" epaituak ez direlako izan. Presoen egoera ez da aldatuko.

Hego Lapurdiko hautetsi abertzaleek dagokien lekua aldarrikatu dute Herri Elkargoan

2012-01-26

Herri Elkargoaren atarian bildutako hautetsiak.

Dozena bat hautetsi abertzale Hego Lapurdiko Herri Elkargoak Zokoan duen egoitzaren kanpoaldean bildu ziren atzo, instituzio horretan dagokion lekua aldarrikatu eta lankidetzaren aldeko mezua zabaltzeko.

Gara

Otsailaren 3an kaleratuko da 'GoiBerri' aldizkariaren lehen zenbakia

2012-01-27

'Otamotz' eta 'Goierritarra' aldizkarien baturatik sortu da Goiberri.

GoiBerri astekaria otsailaren 3an jarriko da abian. Gipuzkoako Goierri eskualdean, 22 herritan, banatuko da aldizkaria.

Goierriko Hitza

Zure herrian 'ARGIA emanaldiak' antolatzen lagundu nahi diguzu?

2012-01-26

ARGIA emanaldiak ekimena abian da. Taberna, gaztetxe, kultur etxe eta euskaltegietan hilero dokumental bat proiektatzen ari gara, guztiak euskaraz edo euskarazko azpitituluekin. Helburua Euskal Herri osoan kalitatezko lanak zabaldu eta euskarazko ekimenen inguruko bilguneak bultzatzea da. Proiektua irekia da eta herritarren partehartzea ezinbestekoa da proiektua zabaltzeko.